Almatyda er adam poıyzdyń astyna túsip mert boldy
ALMATY. QazAqparat - Almatyda er adam poıyzdyń astyna túsip mert boldy. Bul týraly Semırechensk kólik prokýratýrasynan habarlandy.
«Tańerteń Medeý-Almaty temir jolynda Novosibir-Almaty baǵytyndaǵy №301 jolaýshylar poıyzy jedel tejegishti qosýǵa májbúr boldy. Anyqtalǵandaı, poıyz óz jolynda 40-45 jastar shamasyndaǵy er adamdy qaǵyp ketti. Aýyr jaraqattan er adam sol jerde qaza boldy», - dedi prokýratýra ókilderi.
Quzyrly organdar onyń kim ekendigin anyqtap jatyr. Tótenshe jaǵdaıdyń saldarynan poıyz 25 mınýtqa bógeldi.
Atalǵan derek polıtsııa qyzmetkerleri tarapynan tergeýge alyndy.
