Almatyda er adam polıtseımen jaǵa jyrtysty
ALMATY. QazAqparat - Almatyda polıtsııa qyzmetkeri men bala serýendetip júrgen er adam jaǵa jyrtysty, dep habarlaıdy QazAqparat tilshisi.
Bul oqıǵanyń vıdeosy áleýmettik jelide taraǵan bolatyn.
Oqıǵa Medeý aýdanyndaǵy Qaıyrbekov pen Gogol kósheleriniń qıylysynda bolǵan.
Almatyq Polıtsııa departamentiniń habarlaýynsha, qalanyń ishin jaıaý aralap júrgen patrýl qyzmetkerleri aýlada júrgen eki adamdy kórgen.
Olar polıtsııa qyzmetkeriniń eskertýine qulaq aspaı kerisinshe dórekilik tanytqan.
«Olardyń biri ýchaskeldik ınspektorǵa qarsylyq kórsetip áskerı kıimin jyrtqan. Onyń is áreketine baılanysty QR QK 379-babymen sotqa deıingi tergeý isin tirkedi. Bul adamdardyń biri buryn QR QK 189-babymen qylmystyq jaýapkershilikke tartylǵan. Ekinshisi QR ÁqbK 476-babymen ákimshilik jaýapkershilikke tartylǵan», - dedi polıtsııa departamentinen.
Keıin eki adamnyń biri keshirim surady.
«12 sáýirde Medeý aýdanynda karantın rejımin buzyp, ashýǵa boı aldyryp, polıtsııa qyzmetkerimen janjaldasyp qaldym. Men qoǵamnan jáne polıtsııa qyzmetkerlerinen keshirim suraımyn. Úıde otyrǵannan júıke juqaryp ketti», - dedi ol.
