Almatyda er adam óziniń tanysyn qasaqana órtep, janyp ketkenshe esikti ashpaı qoıǵan
ALMATY. QazAqparat - Almatyda óziniń tanysyn qasaqana órtep, janyp ketkenshe esikti ashpaı qoıǵan er adam sottaldy. Bul týraly qalalyq sottyń baspasóz hatshysy Dıas Mahambetov málim etti.
Sot materıaldaryna sáıkes, er adam óziniń tanysymen birge bir dúkende jumys jasaǵan. Keıin ekeýi janjaldasyp qalady. Kektengen er adam tanysyn uıyqtap jatqan kezinde betine suıyq hımııalyq zat shashyp jibergen. Sodan soń ot tutatyp, esikti syrtynan bekitip ashpaı qoıǵan.
Saldarynan álgi jigit sol jerde ajal qushty.
«Almaty qylmystyq ister boıynsha mamandandyrylǵan aýdanaralyq soty sottalýshyny QR QK 99-babynyń 2-bólimi boıynsha aıypty dep taýyp, 15 jylǵa bas bostandyǵynan aıyrdy. Sot úkimi áli kúshine engen joq», - dedi D.Mahambetov.
