Almatyda er adam óz kóliginiń astyna túsip, ajal qushty
ALMATY. 12 qarasha. QazAqparat - Almatyda 32 jastaǵy er adamdy óziniń avtokóligi basyp ketti, dep habarlady qalanyń ІІD baspasóz qyzmetinen.
Bul oqıǵa Muqanov jáne Qazybek bı kósheleriniń qıylysynda boldy. «Honda Shatl» júrgizýshisi avtokólikti joldyń boıyna qoıyp, alaıda qol tejegishin qospaǵan. Saldarynan mashına soltústik baǵytqa jyljyp ketip, tap sol shaqta avtokóliktiń aldynda turǵan júrgizýshini basyp ketken.
Er adam oqıǵa ornynda ashyq bas-mı jaraqaty men ishki organdarynyń zaqymdanýynan kóz jumdy.
Bolǵan jaǵdaıdyń egjeı-tegjeıin tergeý anyqtaıdy.
