Almatyda er adam «Nurly taý» ǵımaratynyń 12-qabatynan sekirip kóz jumdy
ALMATY. QazAqparat - Almatyda «Nurly taý» bıznes ortalyǵy ǵımaratynan sekirip ketken er adam qaza tapty, dep habarlaıdy QazAqparat tilshisi.
Qaıǵyly jaǵdaı bolǵan jerden túsirilgen sýretter áleýmettik jelide jarııalandy.
«Bıikten qulap ketti. Oqıǵa ornynda jedel járdem, aýdandyq tótenshe jaǵdaılar bólimi, polıtsııa qyzmetkerleri jumys istep jatyr», - dedi qalalyq TJD baspasóz qyzmeti.
Qalalyq qoǵamdyq densaýlyq saqtaý basqarmasynyń habarlaýynsha, ol jedel járdem jetkenshe jan tapsyrǵan.
Qalalyq polıtsııa departamenti marqumnyń kim ekenin anyqtady. 48 jastaǵy er adam 12-qabattaǵy terezeden sekirip ketken.
Onyń nege bıik ǵımarattan sekirgeni tergeý barysynda anyqtalady.
Oqıǵa ornynda Bostandyq aýdany polıtsııa basqarmasynyń qyzmetkerleri jumys istep jatyr.
