Almatyda er adam muz astyna túsip ketti
ALMATY. QazAqparat - Almatyda kól arqyly jolyn qysqartpaq bolǵan er adam muz astyna túsip ketti, dep habarlaıdy QazAqparat tilshisi.
28 jastaǵy er adamnyń janaıqaıyn QR Іshki ister mınıstrligi Tótenshe jaǵdaılar komıteti Respýblıkalyq jedel-qutqarý jasaǵynyń mamany estigen. Ol kól jaǵasyndaǵy qutqarý stansasynyń sholý munarasynda kezekshilikte bolǵan. Qutqarýshylar kómekke dereý jetip, ony bir mınýttan keıin sýdan alyp shyqqan.
Anyqtalǵandaı, er adam úıine qaıtarda joldy qysqartpaq bolyp, muzy juqa kóldiń betimen júrgen. Mas kúıde bolǵan ol, muzdyń ústimen júrýge tyıym salatyn belgilerge mán bermegen.
Tótenshe jaǵdaılar departamenti Almaty turǵyndary men qonaqtaryna túnde, qolaısyz aýa raıy jaǵdaıynda, tuman túskende, jaýyn-shashyndy kúnde muz ústimen júrmeýge keńes beredi.
Avtory: Maııa Teńizbaeva
