Almatyda er adam quzǵa qulap ketti
ALMATY. QazAqparat - Shymbulaq shatqalynda 29 jastaǵy er adam jarqabaqtan qulap ketti, dep habarlaıdy QazAqparat tilshisi.
Zardap shekken jigittiń aıaǵy synǵan. Ol tez arada jaqyn mańdaǵy aýrýhanalardyń birine jetkizildi.
«Jedel medıtsınalyq kómek stansasynyń dıspetcherinen qutqarýshylardyń kómegi kerek degen habar túsken. Quzǵa qulaǵan erkek «103»-ke ózi qońyraý shalǵan. Dárigerlerdiń aıtýynsha, ol jartastan qulap túsken soń, óz betimen joǵaryǵa shyǵa almaǵan. Oqıǵa ornyna kelgen qutqarýshylar ony ózenge jaqyn mańdaǵy quzdan tapqan. Jigit joǵarydan qulaǵan kezde denesin aýyrtyp, jaraqattap alǵan»,- dedi Almaty qalalyq qutqarý qyzmetindegiler.
Qutqarýshylar zardap shekken azamatty oqıǵa ornynda birden tekserip, aýrýhanaǵa jatqyzý týraly sheshim qabyldaǵan.
Illıýstratsııalyq foto
