Almatyda er adam kópirden sekirip ketti
ALMATY. QazAqparat – Almatyda kópirden sekirgen er adam júrip kele jatqan kóliktiń astyna tústi, dep habarlaıdy QazAqparat tilshisi.
Oqıǵa búgin saǵat eki kezinde tirkelgen. Vıdeo aldymen Instagram -da jarııalandy.
Polıtsııanyń habarlaýynsha kópirden sekirip ketken adam Pavlodar qalasynyń turǵyny bolyp shyqqan.
«Raıymbek pen Seıfýllın dańǵyldarynyń qıylysyndaǵy avtokólik kópirinen O. atty azamat sekirip ketti. Ol mas bolǵan. Medıtsınalyq brıgadanyń kúshimen qaladaǵy aýrýhanalardyń birine jetkizildi. Sol jerde istiń mán-jaıy anyqtalady», - dep habarlady Almaty qalasynyń Polıtsııa departamentiniń resmı ókili Saltanat Ázirbek.
Vedomstvonyń baspasóz qyzmeti oqıǵanyń mán-jaıy, ony osy áreketke kimniń ıtermelegeni anyqtalatynyn jarııa etti. Aldyn ala berilgen aqparat boıynsha er adam úı-kúısiz bolǵan.
