Almatyda er adam kólik jóndeý ortalyǵyna kelgen adamdy pyshaqtap tastady
ALMATY. QazAqparat – Almatyda qolyna pyshaq ustaǵan er adam kóshede ótip bara jatqan adamdarǵa tap berip, kólik jóndeý ortalyǵynyń klıentin jaralady, dep habarlaıdy QazAqparat tilshisi.
Qolyna pyshaq ustaǵan er adamnyń vıdeosy áleýmettik jelide paıda boldy.
Almaty qalalyq Polıtsııa departamentiniń habarlaýynsha, oqıǵa búgin Áýezov aýdanynyń aýmaǵynda oryn alǵan.
Mas er adam kólik jóndeý ortalyǵynyń klıentine pyshaq saldy. Jaraqat alǵan adam dereý aýrýhanaǵa jetkizildi.
«Kúdikti - Jambyl oblysynyń turǵyny J. esimdi azamat ekeni anyqtaldy. Atalǵan derek sotqa deıingi tergeýdiń biryńǵaı tizilimine QR QK 293-baby, 3-bólimi boıynsha tirkeldi», -dep habarlady polıtsııadan.
