Almatyda er adam kólik astyna túsip, mert boldy
ALMATY. QazAqparat - Almatyda er adam kólik astyna túsip, mert boldy, dep habarlaıdy QazAqparat tilshisi.
Jol apaty Rozybakıev-Raıymbek kósheleriniń qıylysynda boldy. Er adam joldy belgilenbegen jerden ótpek bolǵan.
Batysqa baǵyt alǵan Volkswagen kópir astynan shyǵyp kele jatqanda aldynan kenetten adam júgirip shyqqan. Júrgizýshi tejegishti der kezinde basyp úlgermeı, jaıaý júrginshini qaǵyp ketken.
Jas shamasy 35-40-taǵy er adam alǵan jaraqattary saldarynan sol jerde kóz jumdy. Oqıǵanyń mán-jaıyn polıtsııa anyqtaýda.
