Almatyda er adam dezınfektsııa jasap júrgen jumysshyǵa pyshaq ala júgirgen
ALMATY. QazAqparat – Almatyda dezınfektsııashyǵa shabýyl jasaǵan mas er adamǵa qatysty polıtsııa túsinik berdi, dep habarlaıdy QazAqparat tilshisi.
Beınejazba áleýmettik jelilerde paıda boldy. Onda mas adam «Premera» turǵyn úı kesheninde dezınfektsııa jasap júrgen jumysshyny pyshaqpen qýyp júr delingen.
Qalalyq PD baspasóz qyzmetiniń málimetinshe, atalǵan fakt keshe kúndiz Naýryzbaı aýdanynyń aýmaǵynda oryn alǵan.
«Belgili bolǵandaı, janjal dezınfektsııa qyzmetiniń jumysshysy men osy shaǵynaýdan turǵynynyń arasynda týyndaǵan. Er adam mas bolǵan. Bul fakti boıynsha «102» pýltine habarlama túsken joq. Biz ony áleýmettik jelilerden bildik. Qazir eki tarapta anyqtalyp, polıtsııa bólimshesine jetkizildi. Dezınfektsııashy onyń ústinen aryz túsirgen joq. Sondaı-aq, onyń qolynda pyshaq bolǵanyn rastamady», - deıdi polıtsııa ókili.
Polıtsııanyń málimetinshe, ishimdik ishken adamnyń ústinen páter ıeleri kooperatıvi tóraǵasy shaǵym túsirdi.
«QR Ákimshilik quqyq buzýshylyq týraly kodeksiniń 434-baby (usaq buzaqylyq) boıynsha ákimshilik hattama jasadyq. Іs materıaldary sheshim qabyldaý úshin sotqa jiberiledi», - dep tolyqtyrdy vedomstvodan.
