Almatyda er adam avtobýs jolaýshylaryn pyshaqpen qorqytty
ALMATY. QazAqparat – Almatyda beımálim er adam avtobýs jolaýshylaryna pyshaqpen qoqan-loqqy kórsetken, dep habarlaıdy QazAqparat tilshisi.
Onyń vıdeosy áleýmettik jelide tarady.
Almaty qalalyq polıtsııa departamenti bul derek boıynsha Áýezov aýdandyq polıtsııa basqarmasy tergeý júrgizip jatqanyn habarlady.
«Vıdeodaǵy er adamnyń kim ekenin anyqtadyq. Qazir ony ustaý sharalary júrgizilip jatyr. Aldyn ala málimet boıynsha, ol psıhıkalyq densaýlyq ortalyǵynda esepte tur. Onyń áreketine Qazaqstan zańnamasyna sáıkes quqyqtyq baǵa beriledi»,- dep habarlady Almaty qalalyq polıtsııa departamentiniń baspasóz qyzmetinen.
