Almatyda er adam aǵylǵan kólik jolyna shyǵyp ketip, mert boldy
ALMATY. QazAqparat - Almatyda jolǵa júgirip shyqqan er adamdy kólik qaǵyp, mert qyldy, dep habarlaıdy QazAqparat tilshisi.
Qaıǵyly oqıǵa Raıymbek kóshesiniń boıynda boldy. Oqıǵaǵa kýá bolǵandardyń aıtýynsha, er adam alas uryp joldaǵy kólikterge qaraı júgire bergen. Bul sətte jolda júk kóligi ótip bara jatqan. Júrgizýshi ony ótkizip jibermek bolyp, toqtaǵan, keıin qozǵalysyn qaıta jalǵastyrǵan. Sol kezde er adam kólikke qaraı qaıta umtylyp, dóńgeleginiń astyna túsip qalǵan. Júrgizýshi ony baıqamaı, qozǵalysyn jalǵastyra bergen.
«Onyń aǵylǵan mashınalar arasynda júrgenin kórdim. Toqtap, júgirip ótip ketkenin kúttim. Al sol jaqqa burylǵan kezde fýranyń uzyndyǵynan aınalany durys kóre almadym», - deıdi ol.
Oqıǵa ornyna jetken jedel jərdem onyń ómirin arashalap qalýǵa baryn saldy. Biraq ol alǵan jaraqatynan sol jerde kóz jumdy.
Oqıǵanyń mən jaıyn polıtsııa anyqtap jatyr.
