Almatyda er adam 260 myń qorap jalǵan temeki satpaq bolǵan
ALMATY. QazAqparat - Almaty Memlekettik kirister departamentiniń mamandary «Kóleńkeli ekonomıkamen kúres» aktsııasy barysynda Jetisý aýdanyndaǵy «Samal» bazarynyń kólik turaǵynda jalǵan temeki tasymaldaý deregin anyqtady, dep habarlaıdy QazAqparat tilshisi.
Kontrafaktilik ónim Volvo kóliginen tabyldy. Kólik júrgizýshisi bul ónimniń kimdiki ekendigin bilmeıtindigin tek qana jetkizip berýshi ekendigin aıtyp jaltardy.
«Jalpy quny 83,2 mln teńge bolatyn 260 qorap temekiniń qoldan jasalǵandyǵy anyqtaldy. Taýarǵa Tájikstan men Qyrǵyzstannyń eseptik baqylaý markalary japsyrylǵan», - dedi qalalyq MKD basshysynyń orynbasary Qanat Baltabekov.
Tárkilengen ónim «Jetisý» keden pýnktine jetkizildi. Qazir tergeý jumystary júrgizilip jatyr.
Departament mamandary kontrafaktilik ónim týraly aqparat bolsa 8727- 267 69 29, 267 69 37 telefondaryna habarlaýdy suraıdy.
