Almatyda er adam 2 kóliktiń astyna túsip kóz jumdy
ALMATY. QazAqparat - Almatyda kólik qaqqan adamdy taǵy bir kólik basyp ketti. Er adam oqıǵa ornynda kóz jumdy, dep habarlaıdy QazAqparat tilshisi.
Jol apaty Qulja tas jolynda bolǵan.
Qyzyltý aýylynyń tusynan Qulja tas jolymen Almatydan oblysqa bet alyp bara jatqan Lexus kóliginiń aldynan er adam tyıym salynǵan jerden júgirip ótpek bolǵan. Sol sátte Lexus júrgizýshisi tejegishti basyp úlgermeı, er adamdy qaǵyp ketti. Birneshe metrge ushyp ketken jigitti taǵy bir kólik janshyp ótken.
Ekinshi kólik oqıǵa ornynan boı tasalaǵan. Polıtsııa ony izdep jatyr.
