Almatyda er adam 10 táýlikten beri izdestirilip jatyr
ALMATY. QazAqparat - Almatyda 41 jastaǵy Denıs Anısımov izdestirilip jatyr. Er adam 18 maýsym kúni túngi 3-te úıinen shyǵyp ketken, dep habarlaıdy QazAqparat tilshisi.
Atalǵan aqparatty otbasynyń dosy Evgenııa Zakojýrnıkova rastady.
Onyń aıtýynsha, Denıs óziniń jeke kóligimen jolaýshy tasymaldaýmen aınalysqan.
«Túngi 3 shamasynda oǵan klıentten tapsyrys túsken. Sol ýaqytta úıden shyǵyp ketedi. Sodan qaıtyp oralmady. Telefony 18 kúngi kúndizgi 13:00-ge deıin qosýly bolǵan. Odan keıin óship qaldy», - dedi Evgenııa Zakojýrnıkova.
Qazir Denısti izdeýge Jetisý aýdandyq ІІB qyzmetkerleri kiristi.
Sońǵy ret onyń kóligi kóshe kameralarynda Saın men Raıymbek kósheleriniń qıylysynda turǵany anyqtaldy.
«Denısti úıinde áıeli men qyzy kútip otyr. Ol eshqandaı jaman ádetke áýes emes. Denıs - musylman, namaz oqıdy, oraza ustaıdy», - dedi E.Zakorýjnıkova.
Er adam aq tústi Land Cruiser 200 kóligimen ketken. Memlekettik nómiri 334VDA02. Jaqyndary ony kórgen adamdar bolsa +7700 214 1000 nómirine habarlasýyn suraıdy.
