Almatyda epıdjaǵdaı kúrdelene tústi: Bekshın turǵyndarǵa úndeý joldady
Almaty qalasy Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, 23 qazandaǵy jaǵdaı boıynsha, búginge deıin megapolıste jalpy koronavırýs ınfektsııasynyń 14607 oqıǵasy tirkelgen, onyń 8762 - sımptomdy, 5845 - sımptomsyz.
«Sońǵy táýlikte COVID-19-dyń 44 jaǵdaıy jáne anyqtalmaǵan pnevmonııanyń 5 jaǵdaıy tirkeldi. Táýliktik ósim - 0,3%, juqtyrý koeffıtsıenti – 1,37 bop tur. Osy aptada KVI deńgeıi birinshi aptanyń deńgeıinen 9 ese asyp tústi. Qaladaǵy jaǵdaı shıelenise túsýde jáne aýrýshańdyqtyń ósip kele jatqany baıqalyp keledi», - dedi Jandarbek Bekshın.
Jalpy, álemdegi epıdemııalyq jaǵdaı nasharlap bara jatqany atap ótildi.
Mysaly, Reseıde kúnine 12 myńnan astam jaǵdaı tirkeledi. Eýropa men Amerıka aımaǵynda da osyndaı jaǵdaı. AQSh-ta táýligine shamamen 60 myń jaǵdaı, Frantsııada - 30 myń, Ulybrıtanııada – 14 myń, Ispanııada, Germanııa jáne Italııada 5-15 myń jaǵdaıdan tirkelip otyr.
