Almatyda epıdemıologııalyq jaǵdaı kúrdeli – Jandarbek Bekshın
ALMATY. QazAqparat –Almaty qalasyndaǵy epıdemıologııalyq jaǵdaı kúrdeli. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.
Onyń aıtýynsha, qyrkúıek aıynda koronavırýs juqtyrǵandardyń sany tómendegen bolatyn. Alaıda qazan aıynan bastap qaıta kóterildi. Qazanda – 366 jaǵdaı, qarashada – 1399 jaǵdaı jáne jeltoqsan aıynda búgingi kúnge deıin - 1635 jaǵdaı tirkelip, indettiń ósýi qarqyn aldy.
«KVI boıynsha Almaty qalasynda epıdemıologııalyq jaǵdaıynyń órbýi aldyn ala boljamdaǵan mólsherge sáıkes kelip otyr: jeltoqsan aıynda 1 aptada – 420 jaǵdaı, 2 aptada – 460 jaǵdaı, 3 aptada – 510 jaǵdaı, 4 aptada - 560 jaǵdaı boljam boıynsha jalpy aıdyń qorytyndysymen 1900 jaǵdaı jáne pessımıstik boljam boıynsha 2200 jaǵdaıǵa jetýi múmkin»,– dedi Jandarbek Bekshın.
Sonymen qatar, ol Almaty qalasynda, elde jáne álemde koronavırýstyq ınfektsııasynyń epıdemıologııalyq jaǵdaıdyń kúrdeline túskenin atap ótti.
«Almaty qalasyndaǵy epıdemıologııalyq jaǵdaıǵa keletin bolsaq, búgingi kúnde kúrdeli kúıinde qalyp otyr. Jyl basynan beri koronavırýstyq ınfektsııanyń 17790 jaǵdaıy, sondaı-aq tamyz aıynan bastap esepke alynǵan etıologııasy anyqtalmaǵan (koronavırýs) pnevmonııanyń 1349 jaǵdaıy tirkeldi»,– dedi ol.
Buǵan deıin Jandarbek Bekshın jańa qaýlyǵa qol qoıǵany týraly jaǵan bolatynbyz.
