Almatyda epıdemıologııalyq jaǵdaı kúrdelene tústi– Jandarbek Bekshın
ALMATY. QazAqparat – Almatyda koronavırýs ınfektsııasyn juqtyrǵandardyń sany kóbeıip keledi. Bul týraly onlaın brıfıng barysynda Almaty qalasy boıynsha taýarlar men qyzmetterdiń sapasy men qaýipsizdigin baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.
«Qazan aıynda Almatyda koronavırýs ınfektsııa boıynsha epıdemıologııalyq ahýal kúrdelene tústi. Osy apta ishinde oqshaýlaný 10-12 jaǵdaıǵa deıin ósý baıqalady. Tek ótken táýlik ishinde 12 jaǵdaı tirkeldi, 10 jergilikti jáne 2 jaǵdaı Egıpetten kelgen týrısterden anyqtaldy «, - dedi Jandarbek Bekshın.
Sonymen qatar, ol etıologııasy anyqtalmaǵan pnevmonııanyń 4 jaǵdaıy tirkelgenin atap ótti.
«Qazir kún saıynǵy ósim 0,5%, reprodýktıvti koeffıtsıent 1,06%. Eger ındeks máni 1-den kóp bolsa, bul epıdemııanyń ósip kele jatqandyǵyn bildiredi»,– dedi Almaty qalasynyń bas memlekettik sanıtar dárigeri Jandarbek Bekshın.
