Almatyda epıdemıologııalyq jaǵdaı áli de kúrdeli - Jandarbek Bekshın

ALMATY. QazAqparat – Almatyda epıdemıologııalyq jaǵdaı áli de kúrdeli. Bul týraly onlaın brıfıng barysynda Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.

«Almaty qalasynda koronavırýs boıynsha epıdemıologııalyq jaǵdaı áli de kúrdeli. Táýligine 1500- den astam jaǵdaı turaqty túrde tirkelip otyr. Bul jaǵdaı 28 shildeden bastap jalǵasyp keledi. Tamyz aıynan búgingi kúnge deıin 24,3 myń jaǵdaı, jyl basynan beri 105,6 myń jaǵdaı tirkeldi»,-deıdi ol.

Onyń aıtýynsha, ótken aptada koronavırýs juqtyrǵandar sany sál tómendedi.

«Táýliktik ósim tamyzdyń alǵashqy kúnderindegi 1,5% - dan búgingi kúnge 1,22% - ǵa deıin tómendedi. Desekte, sońǵy aptadaǵy «sımptomdyq» naýqastardyń salystyrmaly salmaǵy aldyńǵy aptamen salystyrǵanda 93%-dan 94% - ǵa deıin artty, bul aınalymdaǵy COVID-19 nusqasynyń joǵary patogendiligin kórsetedi»,- deıdi Jandarbek Bekshın.

Sonymen qatar, ol Almaty qalasyndaǵy epıdemıologııalyq jaǵdaı kontagıozdy mýtatsııalanǵan «delta» shtamynyń taralýyna baılanysty kúrdelene túskenin atap ótti.

Aıta keteıik, megapolıste shekteý sharalary jaz aıynyń sońyna deıin uzartyldy.