Almatyda epıdemıologııalyq rejımniń saqtalýyn 35 mobıldi top baqylaıdy
ALMATY. QazAqparat – Qala ákiminiń orynbasary Erjan Babaqumarov karantın rejımin qamtamasyz etý jumystaryn kúsheıtý boıynsha jıyn ótkizdi, dep habarlaıdy QazAqparat tilshisi.
Jıynǵa komıssııa tóraǵasynyń orynbasary, Almaty qalalyq Taýarlar men qyzmetterdiń sapasy men qaýipsizdigin baqylaý departamentiniń jetekshisi Jandarbek Bekshın, Polıtsııa departamentiniń basshylyǵy, sonymen birge aýdan ákimderi qatysty.
Komıssııa tóraǵasy qala turǵyndarynyń úı karantınin saqtaý jáne halyq kóp shoǵyrlanǵan oryndarda túsindirý jumystaryn kúsheıtý, kásipkerlik sýbektileriniń shekteý sharalaryn saqtaýda baqylaýdy kúsheıtý máselelerine nazar aýdardy.
Kún saıyn qalada kúsheıtilgen epıdemıologııalyq rejımniń saqtalýyn qamtamasyz etý maqsatynda shamamen 35 mobıldi top jumys isteıdi.
5 shildeden bastap 1 282 nysanǵa monıtorıng júrgizildi, karantın rejımi men canıtarlyq-epıdemıolgııalyq talaptardy buzýdyń 121 jaǵdaıy anyqtaldy. 63 nysan qyzmetin óz erkimen toqtatqan.
Sonymen birge, monıtorıng toptary qyzmet isteýge ruqsat bergen jáne baqylaýǵa alǵan nysandar boıynsha túsindirý jumystary júrgizilýde, sonymen birge, qala turǵyndarynyń shaǵymy boıynsha monıtorıng jasalady.
Ózderiniń úıleriniń aımaqtarynan shyǵatyn belsendi qala turǵyndarynyń sany azaıǵan. Alaıda taldaý qalanyń birqatar shaǵyn aýdandarynda halyqtyń kóp shoǵyrlanýy joǵary deńgeıde saqtalyp otyrǵanyn kórsetken.
Osyǵan baılanysty, Erjan Babaqumarov aýdan ákimderine jergilikti polıtsııamen, epıdemıologııalyq qyzmetpen birlesip qala turǵyndarynyń engizilgen shekteý sharalaryn saqtaýyn qamtamasyz etýdi tapsyrdy.
Megopolıste adamdar kóp jınalatyn oryndarda dezınfektsııalyq jumystar kúsheıtiledi.
