Almatyda epıdemıologııalyq ahýal jaqsaryp keledi - Baqytjan Saǵyntaev
ALMATY. QazAqparat – Megopolıste epıdemıologııalyq jaǵdaı jaqsaryp keledi. Bul týraly qala ákimi Baqytjan Saǵyntaev «Almaty» telarnasyndaǵy Akimat Live baǵdarlamasynyń tikeleı efırinde aıtty, dep habarlaıdy QazAqparat tilshisi.
Almatylyqtardyń suraqtaryna jaýap bergen shahar basshysy epıdemıologııalyq jaǵdaıdyń turaqtalǵanyn aıtty. 26 tamyzdaǵy málimet boıynsha, KVI-diń 14 129 oqıǵasy tirkelgen, 12 647 adam (89,5%) emdelip shyqty, táýlik ishinde 56 adam saýyqty.
«COVID-19 juqtyrǵan 589 naýqas statsıonarlarda em alyp jatyr. Jalpy qýat - 5871 tósek-oryn. Onyń 10,2% bos emes. 5 192 (89,8%) tósek-oryn bos tur. Biz apta saıyn jaǵdaıdyń jaqsarǵanyn baıqap otyrmyz», – deıdi Baqytjan Saǵyntaev.
Sonymen qatar, ol qalada 400 myńnan astam adamǵa PTR test jasalǵanyn atap ótti.
