Almatyda epıdemıologııalyq ahýal turaqtalyp, indet juqtyrǵandar azaıdy - Saǵyntaev

ALMATY. QazAqparat - Megapolıs ákimi Baqytjan Saǵyntaev «Almaty» teleranasyndaǵy Akimat live baǵdarlamasynyń tikeleı efırinde koronavırýs ınfektsııasy boıynsha sanıtarlyq-epıdemıologııalyq ahýal týraly aıtty, dep habarlaıdy QazAqparat tilshisi.

Baqytjan Saǵyntaevtyń málimetine sáıkes, Almatyda epıdemıologııalyq ahýal turaqtandy. Táýliktik ósim 1,0%-dan 0,7%-ǵa deıin tómendedi.

Alaıda, epıdemıologııalyq jaǵdaıdy baǵalaý matrıtsasynda qala «qyzyl» aımaqta tur.

«Qala turǵyndary arasynda PTR zertteýi oń nátıjesiniń sany tómendep jatyr. Eger 26 tamyzda - 1561 bolsa, al 7 qyrkúıekte - 911. Sáıkesinshe, R sany (juqtyrý ındeksi) 1,02-den 0,86-ǵa deıin tómendeýin jalǵastyryp otyr»,- dedi ákim.

7 qyrkúıektegi jaǵdaı boıynsha qalada bir táýlikte 911 adam koronavırýs juqtyrdy. Onyń 872-si - sımptomdy. Anyqtalmaǵan pnevmonııa - 12.

«Infektsııalyq statsıonarlarda jalpy syıymdylyǵy 7 705 tósek-oryn bar, munda 3 754 adam emdelip jatyr. Onyń ishinde 116 bala. 184 naýqas óte aýyr jaǵdaıda, 1 534 aýyr jaǵdaıda, 2 033 ortasha jáne 3 jeńil dárejede. Jansaqtaý bóliminde barlyǵy 339 naýqas jatyr. ÓJJ apparatynda - 58, ınvazıvti emes ÓJJ apparatynda - 137, High flow apparatynda – 168», - dedi Baqytjan Saǵyntaev .