Almatyda epıdemıologııalyq ahýal turaqtalyp, indet juqtyrǵandar azaıdy - Saǵyntaev
ALMATY. QazAqparat – Megopolıste epıdemıologııalyq jaǵdaı jaqsaryp keledi. Bul týraly qala ákimi Baqytjan Saǵyntaev «Almaty» telarnasyndaǵy Akimat Live baǵdarlamasynyń tikeleı efırinde aıtty, dep habarlaıdy QazAqparat tilshisi.
Almatylyqtardyń suraqtaryna jaýap bergen shahar basshysy epıdemıologııalyq jaǵdaıdyń turaqtalǵanyn aıtty. 16 qyrkúıektegi málimet boıynsha, KVI juqtyrýdyń 14 325 oqıǵasy tirkelgen, 13 941 adam (97,3%) emdelip shyqty. Qaýipti keselden 270 adam kóz jumdy.
«Qyrkúıek aıy bastalǵanan beri aýrý juqtyrý kórsetkishi tómendedi. Máselen 9 qyrkúıek kúni – 11 naýqas, sosyn 9, 8, 6-ǵa deıin azaıdy. 11 qyrkúıek kúni ınfektsııany juqtyrǵan bir de bir adam tirkelgen joq. 14 qyrkúıek kúni eki adamnan anyqtaldy, keshe bir adamnan shyqty»,– dedi Baqytjan Saǵyntaev.
Sonymen qatar, ol qalada 527 myńnan astam adamǵa PTR test jasalǵanyn atap ótti.
