Almatyda epıdemıologııalyq ahýal kúrdelenip barady

ALMATY. QazAqparat - Almaty «qyzyl» aımaqqa kirdi. Bul týraly Almaty qalasynyń Bas memlekettik sanıtarlyq dárigeriniń mindetin atqarýshy Sádýaqas Baıǵabylov málim etti, dep habarlaıdy QazAqparat tilshisi.

Onyń aıtýynsha, jańa jyldyń basynan beri «omıkron» shtamynyń paıda bolýyna baılanysty qala turǵyndary arasynda kún saıyn vırýs juqtyrýshylar sany artyp keledi. Sondaı-aq, Almaty qalasy búgin «qyzyl» aımaqqa kirdi.

«QR Bas memlekettik sanıtarlyq dárigeriniń qaýlysyna sáıkes, Almaty qalasynda shekteý sharalaryn qatańdatý 5 kún ishinde, múmkin odan buryn qabyldanatyn bolady. Árıne, bul Almaty qalasyndaǵy sońǵy oqıǵalar aıasynda kásipkerler men qala turǵyndaryna qosymsha salmaq. Biraq, koronavırýs «eshqaıda ketken joq», vaktsınalanbaǵan halyq ony óte kóp juqtyrp jatyr»,- dedi ol.

Aldaǵy ýaqytta josparlanǵan karantın shekteýlerin engizý kúni týraly tolyǵyraq qosymsha habarlanatyn bolady.