Almatyda «Energııany únemdeý - bolashaqqa quıylǵan ınvestıtsııa» atty eń úzdik jarnamalyq týyndylar arasynda baıqaý ótkiziledi
ALMATY. Tamyzdyń 12-si. QazAqparat - Qyrkúıektiń 1-i men qazannyń 31-i aralyǵynda «AlmatyEnergoÓnim» kompanııasy Almaty qalasy ákimdiginiń qoldaýymen «Energııany únemdeý - bolashaqqa quıylǵan ınvestıtsııa» atty eń úzdik jarnamalyq týyndylar arasynda baıqaý ótkizedi.
Baıqaýǵa kásibı dızaınerler, Almaty qalasy jáne Almaty oblysynyń qarapaıym energııa tutynýshylary, jergilikti oqýshylar qatysa alady.
Qatysýshylardyń jumystary úsh atalym boıynsha, atap aıtqanda «Oqýshylar arasyndaǵy eń úzdik jarnamalyq týyndy»; «Kásipqoılar arasyndaǵy eń úzdik jarnamalyq týyndy»; «Tutynýshylar arasyndaǵy eń úzdik jarnamalyq týyndy» atalymdary boıynsha baǵalanatyn bolady. Árbir atalym úsh júldeli orynǵa bólinedi.
