Almatyda energııa keshenderiniń damýy talqylandy
ALMATY. Jeltoqsannyń 9-y. QazAqparat / Ádilet Musahaev / - Búgin Almatyda «Almaty jáne Almaty oblysy energııa keshenin qoǵam kózqarasymen damytý joldary» taqyrybynda dóńgelek ústel ótti,
dep habarlaıdy QazAqparat.
Sharanyń maqsaty - qoǵam men energııa keshen ókilderiniń áriptestigine qol jetkize otyryp, isterdi tıimdi atqarý, barlyq energııa keshenderiniń máseleleri sheshiminiń tolyq kartasyn qurastyrý jáne qoǵam usynystaryn tyńdaý.
Energııa keshenderin damytýdyń basty joly qatysýshylardyń tańdaýy boıynsha naryqtyq jolǵa ótý mańyzdyraq. «Almatyenergııajınaqtaý» mekemesiniń bas dırektory Mıhaıl Gambýrgerdiń aıtýynsha, kompanııa erteden naryq zańyna sáıkes jumys istep keledi. «Eseptep shyǵarýlar ádisi, tarıftiń dıfferentsatsııasy, elektr qýatyn tıimdi baǵamen satyp alý, AlmatyEnergııaJınaq naryq qoryna shyǵýy, keleshek ınvestorlarǵa arnalǵan qolaıly jaǵdaıdyń jasalýy munyń barlyǵy naryqtyq qurylymynyń úlgisi», deıdi ol.
Dóńgelek ústel barysynda Almaty men Almaty oblysyndaǵy energııa keshenderiniń basqa da máseleleri kóterildi. Qatysýshylardyń pikirinshe, elektr qýaty tarıfteriniń ulǵaıýy energııa kesheniniń ǵana emes, óńirdiń ekonomıkalyq damýyna áserin tıgizbek. Bir qatar BAQ ókilderi tarıfty ustap turý arqyly ekonomıkalyq quldyraýǵa ushyraýymyz múmkin ekendikterin jetkizdi. Tarıfterdi memleket tarapynan ustaýdyń arty eldiń ekonomıkalyq ósýiniń baıaýlaýyna jáne ınflıatsııalyq protsessterdiń ekpindeýine ákeledi.
