Almatyda endi aýla sypyrýshylardyń mártebesi kóterilmek
ALMATY. 9 tamyz. QazAqparat - Qazir Almatyda kóp qabatty turǵyn úılerde 1 470 aýla sypyrýshy bar. Bul búgin turǵyn-úı kommýnaldyq sharýashylyq máselelerine arnalǵan alqaly jıynda aıtyldy.
«Almatyda qoldanystaǵy norma men taldaýlar boıynsha qazirgi tańda 2,5 myń aýla sypyrýshy bolý kerek. Úı aralyq aýmaqtyń 40 paıyzynda aýla sypyrýshylar qyzmet jasamaıdy. Bul másele aldaǵy ýaqyta jan-jaqty taldanyp, aýla sypyrýshylardy yntalandyrý úshin usynystar jasalmaq», - deıdi qala ákimniń orynbasary Erbol Shormanov. Onyń aıtýynsha, bul mamandyqtyń bedelin kóterip, eńbek aqyny kóbeıtý sııaqty sharalardy qamtymaq. Óıtkeni búgingi tańda qalada 1 myńǵa jýyq aýla sypyrýshy jetispeıdi.
