Almatyda «Eńbek naryǵynyń jahandaný jaǵdaıynda medıtsınalyq bilim berý» dep atalatyn halyqaralyq kongress ótip jatyr
ALMATY. 12 qyrkúıek. QazAqparat - Qazaqstannyń tájirıbelik medıtsına salasyndaǵy 4 myńnan astam qyzmetkeri Almatyda 2 kún boıy óz bilimin jetildiredi.
Bul týraly búgin «Eńbek naryǵynyń jahandaný jaǵdaıynda medıtsınalyq bilim berý» dep atalatyn halyqaralyq kongreste aıtyldy.
«Almaty memlekettik dárigerler bilimin jetildirý ınstıtýtynyń 50 jyldyǵyna arnalǵan bul shara Qr Densaýlyq saqtaý mınıstrliginiń qoldaýymen uıymdastyrylyp otyr. Kongrestiń maqsaty - QR Densaýlyq saqtaý salasyndaǵy bilim men kásibı mashyq máselesiniń ózekti suraqtaryn talqylaý. Onyń aıasynda 50 shara ótedi. Atap aıtqanda 24 sektsııalyq májilis, 36 semınar-trenıngter jáne AQSh, Ispanııa, Izraıl, Germanııa, Túrkııa, Ulybrıtanııa, Danııa sııaqty 17 elden áıgili 60 ǵalymdardyń túrli mamandyqtar boıynsha ashyq dáristeri men 12 sheberlik sabaqtary josparlanyp otyr», - deıdi Almaty memlekettik dárigerler bilimin jetildirý ınstıtýtynyń rektory Ǵalymjan Toǵyzbaev. Onda kardıologııa, akýsherlik gınekologııa, pedıatrııa, travmatologııa, fızıatrııa, pallıatıvti kómek, lorpotologııa sııaqty medıtsına salalary boıynsha elimizdiń túkpir-túkpirinen kelgen 4 myńnan astam dáriger óz biliktiligin arttyrýǵa múmkindik almaq.
