Almatyda «Eńbek» baǵdarlamasy aıasynda 647,3 mln teńgege 41 shaǵyn nesıe berildi
Altaı Raqymbetovtiń aıtýynsha, Bostandyq aýdanynda 29 714 kásiporyn tirkelgen, onyń ishinde iske qosylyp turǵandary – 17 359. Al basym bóligi kóterme-bólshek saýda – 33% (10700), ǵylymı-tehnıkalyq qyzmet – 12% (4500), qurylys - 9% (3150) jáne t. b. salalarda.
Shaǵyn jáne orta bıznesti qoldaý men damytý úshin birqatar baǵdarlamalar iske asyrylyp jatyr.
«Bıznestiń jol kartasy-2020» bıznesti qoldaý jáne damytý memlekettik baǵdarlamasyn iske asyrý barysynda aýdanda jalpy somasy 9,4 mlrd teńgege 17 joba sýbsıdııalandy. Memlekettik granttardy óteýsiz negizde usyný boıynsha jalpy somasy 20,7 mln teńgege 14 joba maquldandy. Al «Eńbek» baǵdarlamasy aıasynda aýdan boıynsha jalpy somasy 647,3 mln teńgege 41 shaǵyn nesıe berildi»,- deıdi Altaı Raqymbetov
Ótken jyly Bostandyq aýdanynda kópbalaly otbasylardy qoldaý maqsatynda «Baqytty otbasy» ortalyǵy ashyldy. Sonymen qatar, «Іsker ana» jobasy boıynsha 20 kópbalaly anaǵa demeýshilerdiń qoldaýymen, óz bıznesin damytýǵa arnalǵan jabdyqtar satyp alyndy.
«Almaty Business-2025» kásipkerlikti damytý aımaqtyq baǵdarlamasy aıasynda «Qolday» kásipkerlik ortalyǵy quryldy. Oǵan ótken jyly 300-den astam kásipker júgindi, jalpy somasy 1,5 mlrd teńge bolatyn jobalar maquldandy»,- deıdi aýdan ákimi.
Sonymen qatar, ol áleýmettik qorǵaý sharalarymen 6 209 adamnyń qamtylyp, onyń 4 332-si turaqty jumysqa ornalasqanyn atap ótti.
«Halyqtyń áleýmettik osal toptaryna jatatyn 6 740 adam jalpy somasy 124 mln teńgeden astam áleýmettik tólem aldy. Onyń ishinde, 32,3 mln teńge kóleminde ataýly áleýmettik kómek 641 az qamtylǵan otbasyǵa, ıaǵnı 2 978 adamǵa berildi»,– dep tolyqtyrdy esep berý barysynda Altaı Raqymbetov.
