Almatyda eń úzdik jas tarıhshylar anyqtaldy
Saıysqa aýdandyq kezeńde jeńip shyqqan 9-synyptyń 4 oqýshysynan turatyn 8 komanda qatysty. Jarystyń I kúninde barlyq qatysýshylar Qazaqstan tarıhy pániniń oqý baǵdarlamasy boıynsha «Daryn» respýblıkalyq ǵylymı-tájirıbelik ortalyǵy daıyndaǵan test tapsyrmalaryn oryndady. ІI kúninde komandanyń árbir múshesi jeke nomınatsııa boıynsha óz jobalaryn qorǵady.
Oqýshylardyń jumysyn Abaı atyndaǵy Qazaq ulttyq pedagogıkalyq ýnıversıteti Tarıh jáne quqyq ınstıtýtynyń dırektory, professor B.S.Jumaǵulov bastaǵan professor-oqytýshylarynan turatyn táýelsiz qazylar alqasy baǵalady. Barlyq saıyskerler jetekshilerimen birge bir zalda otyryp, biri-biriniń daıyndaǵan jobalarymen tanysyp, qorǵaý barysyn tyńdap, suraqtar qoıyp, óziniń daıyndyǵyn salystyra baǵalaýǵa múmkindik aldy.
Bes saǵatqa sozylǵan joba qorǵaý saıysynyń jáne test tapsyrmalaryn oryndaýdyń qorytyndysynda «Meniń kishi Otanymnyń tarıhy» nomınatsııasy boıynsha №175 gımnazııanyń oqýshysy Janerke Madalıeva, «Kishi Otanymnyń sımvoly» nomınatsııasy boıynsha №175 gımnazııanyń oqýshysy Amına Esimjanova, «Meniń kishi Otanymnyń bolashaǵy» nomınatsııasy boıynsha №12 mamandyrylǵan gımnazııa oqýshysy Qobylandy Nurǵalıev jáne «Meniń týǵan ólkem» nomınatsııasy boıynsha №62 gımnazııanyń oqýshysy Aıgerim Ádilet jeńimpaz atanyp qarasha aıynda ótetin respýblıkalyq saıysqa joldama aldy.
«Rýhanı jańǵyrý» baǵdarlamasy aıasynda ótken «Meniń kishi Otanym» atty jas tarıhshylardyń qalalyq zııatkerlik saıysynyń maqsaty- jas urpaqtyń boıynda óziniń kishi Otany – týǵan aýylyna, ósken óńirine, Qazaqstan Respýblıkasyna degen maqtanysh sezimin, tarıhı tanymdyq qyzyǵýshylyǵyn, qazaqstandyq patrıotızm men ulttyq daralyq qasıetin qalyptastyrý.
