Almatyda eń úzdik taýar óndirýshilerdi anyqtap jatyr
ALMATY. QazAqparat - Almatyda bir jarym myń kásiporynnyń ishinen eń úzdigi tańdalyp jatyr, deıdi QazAqparat tilshisi.
Almatyda «Qazaqstannyń úzdik taýary» kórmesiniń aımaqtyq kezeńi ótip jatyr. Bıylǵy jyly baıqaýǵa 70-ten astam almatylyq kompanııa qatysýda, onyń 9-y konkýrstyń respýblıkalyq kezeńine joldama alady.
«Biz qalanyń 1,5 myń ónerkásiptik kásiporyndarynyń ishinen eń úzdigin tańdaımyz. Olar ónim sapasynyń joǵary deńgeıin qamtamasyz etetin kompanııalar. Qala ındýstrııasynda 45 myńnan astam adam jumys isteıdi. Ekonomıkalyq jaǵdaıǵa, jahandyq baqtalastyqqa qaramastan, bul sala bıylǵy jyly 5,3% ósti. Jyldyń birinshi jartysynda óndiris shamamen 400 mlrd teńgeni qurady», - dedi kórmeniń ashylýynda sóz sóılegen Almaty qalasy ákiminiń orynbasary Saparbek Tuıaqbaev.
Ol ákimdik tarapynan jergilikti kásipkerler qashanda qoldaýǵa ıe bolatynyn aıtty.
«Búgin biz kásipkerlerdi jańa ónimderdi shyǵarýǵa shaqyramyz. Olardyń sapasyn jaqsartýǵa, jańǵyrtýǵa, qaıta jabdyqtaýǵa, ınvestıtsııa salýǵa shaqyramyz. «Bıznestiń jol kartasy» baǵdarlamasy aıasynda júzdegen almatylyq kásipkerlerge memlekettik qoldaý kórsetildi,-dedi qala ákiminiń orynbasary.
