Almatyda «Eń úzdik páter ıeleri kooperatıvi» baıqaýy ótti
Al ekinshi oryndy ıemdengen «Akademık» kooperatıvine mototsıkl buıyrdy. Úshinshi orynǵa turaqtaǵan «Eńbek» jáne «Meniń úıim» kooperatıvteri qar kúreıtin tehnıkaǵa ıe boldy.
Almaty qalasynyń Medeý aýdanynyń ákimdigi jáne «Posadiderevo.kz» qoǵamdyq birlestigi uıymdastyrǵan bul baıqaýǵa jalpy 26 páter ıeleri kooperatıvi qatysyp, belsendilik tanytqan. Júrgizilgen jumystar nátıjesinde jyl basynan beri aýdan aýmaǵynda 118 beınebaqylaý kamerasy ornatylyp, 3 gúlzar egilip, 14 lıft jańartylǵan.
«Bul baıqaýdyń basty maqsaty - jaqsy jumys istep jatqan páter ıeleri kooperatıvterin yntalandyrý, halyqqa tanytý, al turǵyndardy tazalyqty saqtaýǵa, qoǵamdyq oryndardy, qoǵamdyq múlikterdi uqypty ustaýǵa shaqyrý. Tazalyq - adamnyń kóńil-kúıine áser etedi. Eger úıler jyly bolsa, jaryq bolsa, aýla, kire-berister taza bolsa, turǵyndardyń kóńil-kúıleri de jaqsy bolady. Sondyqtan sondaı jaqsy kóńil-kúı syılap otyrǵan kooperatıvterdi dáripteý úshin, osyndaı baıqaýdy uıymdastyryp otyrmyz. Bul shara kelesi jyly da jalǵasyn tabatyn bolady» - dedi óz sózinde Medeý aýdanynyń ákimi Sultanbek Mákejanov
Al «jaqsynyń jaqsylyǵyn aıt, nury tasysyn» demekshi, qaramaǵynda 41 kóp qabatty úıleri bar «Samal» páter ıeleri kooperatıviniń tóraǵasy jeńiske jetý jolyndaǵy atqarǵan jumystaryna toqtaldy.
«Men bul kooperatıvke tóraǵa bolyp budan 4 jyl buryn saılandym. Sol kezde jaǵdaı óte múshkil edi. «Samal» - qaladaǵy eń artta kele jatqan kooperatıv bolatyn. Ol týraly tipti baspasóz betterinde de aıtyldy. 37 úıdiń shatyrynan sý aǵatyn. Jertólelerde tizege deıin sý bolatyn. Keıbir úıler jylýǵa tek jeltoqsan aıynda qosylatyn. Sodan men turǵyndarmen jınalys ótkizip, aldaǵy ýaqytqa jospar qurdyq. Arnaıy qor qurdyq. Shtatqa jumysshylardy, qurylysshylardy aldyq. Buryn tek kerek bolǵanda nemese apat bolǵanda ǵana syrttan shaqyrtylatyn. Tórt jyl ishinde jaǵdaı ózgerdi. Ótken jyly «Eń úzdik aýla sypyrýshy» baıqaýynda jeńiske jetip edik. Endi mine, bıyl bas júldeni jeńip aldyq. Endi birinshi oryndy eshkimge bermeýge kúsh salamyz» - dedi óz sózinde «Samal» páter ıeleri kooperatıviniń tóraǵasy Erlan Beısembaev
