Almatyda eń kreatıvti jas otbasy anyqtalady
ALMATY. QazAqparat - Almatyda alǵash ret «Úzdik jas otbasy-2018» áleýmettik beınejazba boıynsha baıqaý ótedi, dep habarlaıdy Qaz Aqparat tilshisi.
Baıqaý maqsaty - jas januıalardyń shyǵarmashylyq qyryn ashyp, bul bastamaǵa el aımaǵyndaǵy otbasylardy tartý.
Beınejazbaǵa otbasylyq saıasat, otbasyn saqtaý men birligin nyǵaıtý, dástúrdi berik ustaný, demografııa máseleleri tóńiregindegi suraqtar arqaý bola alady.
«Úzdik jas otbasy» baıqaýy 5 tamyz kúni «SmArt.Point» keńistiginde bastalady. Uıymdastyrýshylardyń aıtýynsha, saıys tatý-tátti otbasy úlgisin qalyptastyryp, qoǵamnyń kózqarasyn jańartady.
«Jas ári kreatıvti shańyraq ıeleri óz talanttaryn dáleldep qana qoımaı, birlesip jasaǵan týyndylarynan lázzat alyp, adamdarmen qarym -qatynas sheńberin keńeıte alady. Saıyskerlerdiń jumysyn Almaty máslıhat depýtaty Qaırat Qudaıbergen, ánshi, eki balanyń ákesi Medeý Arynbaev, bloger, eki balanyń anasy Sabıra Jarasqyzy syndy qazylar baǵalaıdy. Baıqaý jeńimpazyna 200 000 teńgege deıin otbasylyq tehnıkalardy satyp alý múmkindigi beriledi»,-dedi uıymdastyrýshy «Eriktiler Lıgasy» qoǵamdyq qorynan.
