Almatyda eń kóp suranysqa ıe mamandyqtar ataldy

ALMATY. QazAqparat – Almatydaǵy halyqty jumyspen qamtý ortalyǵynyń dırektory Dılıara Imanqulova megopolıste eń kóp suranysqa ıe mamandyqtar týraly aıtty, dep habarlaıdy QazAqparat tilshisi.

«Almatyda jumys oryndarynyń qajetti qory bar. Nur-sultan men Almaty qalalary bos jumys oryndar sany boıynsha kósh bastap keledi. Búginde slesar, dánekerleýshi, temir-beton qurylymdaryn qurastyrýshy, elektrık, júrgizýshi, júk tıeýshi, aýla sypyrýshy, gazben dánekerleýshi sııaqty jumysshylar kásipteri asa suranysqa ıe. Sondaı-aq qyzmet kórsetý salasynyń qyzmetkerleri men medıtsına qyzmetkerlerine de qajettilik bar», – dedi Dılıara Imanqulova.

Onyń aıtýynsha, ásirese áleýmettik jumysqa suranys joǵary.

«Jyl basynan beri 695 adam áleýmettik jumys oryndaryna ornalasty. Bul rette memleket eń tómengi jalaqyny (42 500 tg) sýbsıdııalaıdy. Al jumys berýshi óz tarapynan qosymsha aqy belgileıdi. Keıde onyń mólsheri 70-90 myń teńgeni quraıdy. Memleket úkimettik emes uıymdarda jumys isteıtin múgedekterge erekshe qamqorlyq kórsetedi. Olar úshin ákimdik sheshimimen 63 750 teńge jalaqy belgilengen. Qazirgi ýaqytta áleýmettik jumys oryndarynda 695 adam eńbek etip júr, onyń 456-sy múgedek»,– dedi spıker.