Almatyda eń qajetti azyq-túlikke shekti baǵa qoıyldy

ALMATY. QazAqparat – Almatyda qala turǵyndaryn azyq-túlikpen qamtý maqsatynda jergilikti bıýdjetten 7 mlrd teńge qarastyrylǵan. Bul qarajatqa turaqtandyrý qory tolyqtyrylady, dedi QazAqparat tilshisi qalalyq ákimdiktiń baspasóz qyzmetine silteme jasap.

«Qala halqynyń negizgi azyq-túlik taýarlaryn tutyný kólemin esepke ala otyryp, jergilikti bıýdjetten 7 mlrd teńge turaqtandyrý qoryn tolyqtyrý úshin qarastyrylǵan. Onyń 5 mlrd teńgesi bıyl naýryzda bólindi», - dedi qalalyq ákimdiktiń baspasóz qyzmetinen.

Qalalyq Kásipkerlik jáne ınvestıtsııalar basqarmasynyń habarlaýynsha, ákimdik Otandyq iri taýar óndirýshilerimen jáne saýda jelilerimen kelisimge keldi.

Kelisim boıynsha 3 aı ishinde taýardyń 17 túri úzdiksiz turaqty baǵada jetkizilýi tıis.

Bul aınalma qarajat ári qaraı satylýyna qaraı qajetti taýarlardy satyp alý úshin qoldanylatyn bolady. Osylaısha, otandyq azyq-túlik taýarlaryn óndirýshiden tikeleı qalanyń saýda sórelerine jetkizýdiń anyq tizbegi jasaldy.

«Qala ákimdigi «Almaty» áleýmettik-kásipkerlik korporatsııasy» AQ arqyly áleýmettik mańyzy bar 12 túri boıynsha úsh aılyq qordy qalyptastyrý úshin «Magnum Cash & Carry» JShS jeńildikti qaıtarymdy zaım bóldi. Nesıe alǵan kezde, saýda jelisi taýardy naqty belgilengen baǵamen ótkizýge qatań mindetteledi»,- dedi qalalyq ákimdikten.

№	Ataýy	Sórede 3 aı merzimindegi shekti baǵa tg/kg/qap
1	QARAQUMYQ JARMASY KG	335
2	TÚTІK KESPE 1 KG	189
3	KÚNBAǴYS MAIY RAF 5L	2168
KÚNBAǴYS MAIY RAF 1L	432
4	KÚRІSh JARMASY KG	273
5	QANT KG	210
6	AIRAN 2,5% 925 ML	286
7	SARY MAI 72,5% 1 kg	2155
8	SÚT 2,5%, 900 ML	221
9	SÚZBE 5% 200GR	349
10	JUMYRTQA SMALL 45-55, 10 ShT	367
11	TAÝYQTYŃ SAN ETІ, KG	799
12	UN 1 SORT (2 KG)	422