Almatyda eń iri KITF týrıstik kórmesi 10 jyldyq mereıtoıyn atap ótedi
ALMATY. Sáýirdiń 20-sy. QazAqparat /Názıra Eleýhan/ - Almatyda sáýirdiń 21-i men 23-i aralyǵynda «Atakent» kórme ortalyǵynda Qazaqstandyq halyqaralyq «Týrızm jáne saıahat - KITF 2010» jármeńkesi ótedi. Bıyl halyqaralyq týrızm jáne saıahattar salasyndaǵy eń iri týrıstik kórme 10 jyldyq mereıtoıyn atap ótedi. Bul týraly búgin Almatyda ótken baspasóz máslıhatynda Týrızm jáne sport mınıstrliginiń keńesshisi Evgenıı Nıkıtınskıı málim etti, dep habarlaıdy QazAqparat.
Onyń aıtýynsha, mereıtoılyq kórmege álemniń 39 elinen shamamen 500 kompanııa qatysady. «Kóptegen halyqaralyq kompanııalar men uıymdardyń tarapynan qyzyǵýshylyq bildirip, usynys berýi Qazaqstannyń shetelderdegi oń ımıdjiniń nyǵaıǵanyn jáne onyń dúnıejúzilik týrıstik ındýstrııaǵa tartylǵanyn taǵy bir qýattaıdy», dedi týrızm jáne sport mınıstrliginiń keńesshisi Evgenıı Nıkıtınskıı. Onyń aıtýynsha, ulttyq týrıstik uıymdar sharanyń negizgi kúni óz ulttyq stendilerin qoıady. «Oǵan 16 el qatysady. Onyń ishinde Grekııa, Qytaı, Ońtústik Afrıka, Túrik eli, Malaızııa, Ispanııa, BAÁ, Úndistan, Taıland, Chehııa, Ońtústik Koreıa jáne taǵy da basqa elder bar», dedi ol.
Iteca kórmeler kompanııasynyń atqarýshy dırektory ıÝrıı Borodıhınniń aıtýynsha, 10 jyl ishinde kórmege qatysýshylardyń sany 9 esege ósken. «Al, ótetin aýmaqtyń kólemi 300 sharshy metrden 8 000 sharshy metrge deıin ulǵaıdy. Onyń bir pavılony tek ulttyq týrıstik uıymdarǵa arnalǵan. Ol jerde Týrızm jáne sport mınıstrligi jáne aımaqtyq týrızm basqarmalarynyń stendileri oryn alatyn bolady. Al, kórmege jalpy sany 300-den asa stend qoıylady», dedi ol.
Atalmysh sharany uıymdastyrýshylar - Qazaqstannyń Týrızm jáne sport mınıstrligi, Almaty qalasynyń ákimshiligi, otandyq Iteca men brıtandyq ITE kórmeler kompanııalary.
Sondaı-aq, baspasóz máslıhaty barysynda kórshiles pavılonda eki - «HOREX - barlyǵy otel toıhana jáne sýpermarketter úshin» jáne «CleanExpo Central Asia» kórmeleri ótedi dep habarlandy.
