Almatyda «Emhanaǵa tirkelip, mártebeńdi anyqta» estafetasy bastaldy

Belgili jýrnalıster, blogerler  №17 qalalyq emhanada óziniń qaıda tirkelgenin tekserip, óz mártebelerin anyqtady.

Sondaı-aq, aktsııa qatysýshylary mindetti áleýmettik medıtsınalyq saqtandyrý júıesin engizý máseleleri boıynsha aqparat aldy.

«2018 jyldyń qańtarynan bastalatyn mindetti áleýmettik medıtsınalyq saqtandyrý júıesine daıyn bolý úshin ár azamat óziniń qaıda tirkelgenin jáne óziniń mártebesin anyqtaýy kerek. Memleket kóp balaly, zeınetker tss  15 sanattaǵy adamdarǵa ózi salym salyp turady. Al ol sanatqa kirmeıtin adamdar ózderi salym salyp turýy kerek. Byltyrdan beri túsindirý jumystary júrip keledi.  Basty maqsat - medıtsınalyq uıymdardyń básekege qabilettiligin arttyrý», - dedi №17 qalalyq emhananyń bas dárigeri Aıgúl Esentaeva.

«Men úshin ózimniń mártebemdi bilgenim óte mańyzdy. Sondyqtan osy estafetaǵa qatysyp otyrmyn. Óıtkeni, otbasymnyń áleýmettik kepildendirilgenin qalaımyn»», - dedi belgili telejýrnalıst Jazıra Begaly.

Mamandardyń aıtýynsha, mindettik áleýmettik saqtandyrý júıesi álemniń ozyq elderinde engizilgen.