Almatyda emhana qyzmetkerleri qyzyl aımaqta qalaı jumys istep jatyr

ıAǵnı, qujatqa sáıkes medıtsınalyq mekemelerdiń jumysy qatań reglamenttelgen. Tipti emhanalar da ınfektsııalyq statsıonardyń qaǵıdattarymen «taza» jáne «las» aımaqtarǵa bólinip jumys istep jatyr.

№ 11 emhana qyzmetkerleriniń bir kúndik jumysyna fotoreportaj júrgizýdi jón dep taptyq.

Las aımaqqa fıltr jáne ızolıator jatady. Dene qyzýy joǵary patsıentterge emhanaǵa kirýge tyıym salynǵan.

Olardy fıltr dárigeri qabyldaıdy. Syrtqy aýlada fıltr kabınetke baratyn arnaıy nusqaýlyqtar kórsetilgen.

Fıltr bóliminiń qyzmetkerleri tańǵy saǵat 8:00-20:00 aralyǵynda qorǵanys kostıýmimen jumys isteıdi. Munda qyzýy joǵary, jótelmen kelgen naýqastardy qabyldaıdy.

Kúnine bul kabınetten 15 adam ótedi. Dárigerdiń qaraýynan soń naýqastar ambýlatorııalyq em qabyldaýǵa úıine jiberiledi nemese provızorlyq statsıonarǵa jatqyzylady.

Pandemııanyń sharyqtaý kezinde bir dáriger 40 adamnan qabyldaǵan.

Medıtsına mamandarynyń ınfektsııalyq qaýipsizdigi qazir birinshi orynda tur. Sondyqtan olar qorǵanys kostıýmin 3 saǵat saıyn aýystyrady.

«Koronavırýsty ınfektsııanyń pandemııasyna baılanysty emhanada eresekter fıltri, balalar men júkti áıelder fıltri jumys jasaıdy. Jumys ýaqyty 8:00-20:00 deıin. Fıltr kabınetinde JRVI, tumaý, koronavırýs juqtyrdy dep kúdiktelgen naýqastardy qabyldaıdy, osyndaı naýqastarǵa emdeý taǵaıyndalyp, birden PTR taldaýy alynady. Jaǵdaıy aýyr naýqastarǵa aýrýhanaǵa jatqyzylady jasalynady. Fılr kabınetindegi mamandar, qaýipti aımaqta jumys jasaıtyndyqtan qorǵanystyń úshinshi túrin qoldanady, ıaǵnı eń joǵary qorǵanys quraldarymen qamtamasyz etiledi. Oǵan kóp rettik kostıým, N99, FFP3 tıpti respırator, qorǵanysh kózildirigi, 2 jup medıtsınalyq qolǵap, etik kiredi. Jumysqa kiriser aldynda mindetti túrde taza aımaqtan qorǵanys kıiminiń durys kıilýi tekserilip, qaýipti aımaqqa shyǵaryp salamyz.

Árbir 3 saǵat saıyn fıltr kabınetterinde dezınfektsııalyq óńdeý júrgizilip, bakterıtsıd shamdary qosylyp aýany zalalsyzdandyrý jumysy júrgiziledi. Bul ýaqytta fıltr kabınetindegi dáriger jáne meıirbıkeler taza aımaqqa ótip demalady, tamaqtanady», - dedi emhananyń epıdemıolog mamany Qamar Qaıratbekqyzy.

Sanıtarlyq normalardyń saqtalýyn emhananyń sanıtarlyq epıdemıologııalyq qyzmeti baqylaıdy.

Fıltr kabınetterine burynnan sanıtarlyq dezınfektsııalyq rejım qatań qabyldanatyn.

Aýa ár 3 saǵat saıyn kvarts shamymen óńdeledi. Ár patsıentten soń barlyq zattar dymqyl shúberekpen súrtiledi.

Búgin eresek patsıentterdi dáriger Nurjamal Kóshimhanova men medbıke Lýıza Nııazova qarap jatyr.

Al balalardy jeke fıltr kabıneti qabyldaıdy.

Balalar fıltr kabınetiniń dárigeri - pedıatr Shım Vıktor. Bul kisiniń ınfektsııalyq naýqastardy qaraýda 10 jyldyq tájirıbesi bar.

Kóptegen adamdar úshin fıltr degen ǵımarattan tys bólek bólme ǵana sııaqty kórinedi. Alaıda bul jerde ıntoksıkatsııa belgisimen: ishi ótip, qusyp, qyzýy kóterilip, jótelip, túshkirip, ústine jara shyǵyp kelgen balalar qabyldanady.

Balalar fıltriniń medbıkesi Quralaı Nurqasenova.

Ár emhanada ızolıator bar. Bul COVID-19 belgileri bar patsıent kelgen jaǵdaıda naýqasty oqshaýlaýǵa kerek.

Fıltr men ızolıator kabınetteri emhananyń ortalyq kireberisinen edáýir qashyqta ornalasqan.

Kúndelikti emhanaǵa keletin patsıentter nozologııalyq aýrýlaryna baılanysty COVID-19 kúdik týǵyzǵan naýqastarmen bettespeýine barlyq jaǵdaı jasalǵan.

COVID-19 dıagnozyna kúdik týǵyzǵan naýqastarǵa arnalǵan ızolıator 2020 jyldyń qańtarynan bastap ashyq tur. Bul bólmede naýqas jedel járdem qyzmeti kelgenshe otyra turady.

Osy ýaqyt aralyǵynda emhana qyzmetkerleri dene qyzýyn tómendetip, algorıtmge sáıkes alǵashqy kómek kórsetýge tyrysady.

Taza aımaq

Buǵan deıin aıtylǵandaı, ár 3 saǵat saıyn kvartstaý kezinde qyzmetkerler qyzyl aımaqtan shyǵyp, dýsh qabyldap, jeke qorǵanys kıimin aýystyrýy kerek.

Qalǵan ýaqytyn demalys bólmesinde ótkizedi.

Demalys bólmesinde medıtsınalyq qyzmetkerlerdiń alańsyz demalýy úshin barynsha jaǵdaı jasalǵan.

Emhana basshylyǵy barynsha úıdegideı ahýal jasaǵan. Qyzmetkerler túski 14:00-de túski asqa keledi. Barlyǵyna eti kóbirek ystyq tamaq, dárýmender qarastyrylǵan. Emhana basshylyǵy as mázirin barynsha qamqorlyqpen qurastyrǵan. Sebebi, halyq saýlyǵynyń saqshysy bop otyrǵan dárigerlerdiń densaýlyǵy asa mańyzdy ekeni ras.

Medıtsına mamandarynyń ýaqtyly tamaq iship, demalǵany - epıdemıologııalyq qaýipsizdik kepili.

Túski 15.00-de mamandar as iship demalyp kelgenshe fıltr kabıneti dezınfektsııalanyp jumysqa qaıta daıar bolyp turady.

Sanıtarlyq qyzmetkerler medbıkeler men dárigerlerge obaǵa qarsy qorǵanys kostıýmin kııýge kómektesedi.

Las aımaqqa kirý protsesi emhana epıdemıologynyń baqylaýynda bolady. Fıltr qyzmetkerleri aıyna 2 ret PTR taldaýyn tapsyryp turady.

Emhananyń basqa bólmeleri taza aımaqqa jatady. Pedıatrlar, terapevter basqa da mamandar aldyn ala jazylý boıynsha qabyldaıdy.