Almatyda emen jańǵaǵyn jınaý aktsııasy ótti

«Birikken Ulttar Uıymy 2010 jyldy Halyqaralyq bıo-alýandylyq jyly dep jarııalaý týraly sheshim qabyldaǵany belgili. Búgingi shara sol sheshimdi qoldaý jáne ekologııalyq kózqarasty qalyptasyrý, turǵyndardyń ekologııalyq mádenıetin arttyrý, sonymen birge qala turǵyndaryn tabıǵatty qorǵaý, jasyl qordy ulǵaıtý jónindegi jumystarǵa aralastyrý maqsatynda ótkizilip otyr», -deıdi Almaty qalalyq tabıǵı resýrstar jáne tabıǵatty paıdalaný basqarmasynyń bas mamany Merýert Alnazarova.

Almaty qalasy tabıǵı resýrstar jáne tabıǵatty paıdalanýdy retteý basqarmasy men Іle-Alataý Memlekettik Ulttyq tabıǵat saıabaǵynyń qoldaýymen «Jasyl el» jastar qozǵalysy, «Aǵash otyrǵyz» qozǵalysy, «Rýhanııat», «350» halyqaralyq ekologııalyq uıymynyń Qazaqstandaǵy ókildigi, Jasyldar partııasynyń uıymdastyrýymen ótken shara barysynda jańǵaq jınaýmen qatar toǵaı aýmaǵy qoqystardan tazartyldy. Sondaı-aq aktsııaǵa qatysýshylar kórikti demalys oryndarynyń biri bolyp sanalatyn, erekshe qorǵalatyn tabıǵı aýmaq - Baým toǵaıymen jaqyn tanysty. Shara sońynda árbir qatysýshyǵa óz aýlasynda otyrǵyzý úshin emen kóshetteri syıǵa berildi.