Almatyda emen, shyrsha alleıasy paıda bolady
ALMATY. QazAqparat - Almatyda Ál- Farabı dańǵylynyń boıyna 700-den astam aǵash otyrǵyzylady, dep habarlaıdy QazAqparat tilshisi.
Japyraqty jáne qylqan japyraqty aǵashtar Ál -Farabı dańǵylynyń bólý jolaǵynyń boıyna Jeltoqsan kóshesinen Hodjanov kóshesine deıin otyrǵyzylady.
Osy maqsatta qalaǵa terek, emen, shyrsha kósheti jetkizildi. Sonymen qatar, 5,5 myń sharshy metr aımaqqa gúlder men shybyqtar ósiriledi.
Eski qorshaýlardy alyp tastaý 30 naýryzǵa deıin jalǵasady, gúl ósindilerin daıarlaý bes kúnge, 1-5 sáýirge sozylady.
Jumys barysy kezinde kólik jáne jaıaý júrginshiler qozǵalysynyń qaýipsizdigin qamtamasyz etý úshin polıtsııa departamentine jol - patrýl toptarynyń sanyn ulǵaıtý tapsyryldy.
Bul aktsııany qalanyń Jasyl ekonomıka basqarmasy bastady. Bastamaǵa «Aǵash otyrǵyz» respýblıkalyq qoǵamdyq birlestik pen bıznes qoǵamdastyq demeýshilik kórsetip otyr.
