Almatyda emdeý mekemeleriniń birinde qabyldaý bólmesiniń jańa ǵımaraty ashyldy

Medıtsınalyq mekemeni keńeıtý Almatynyń densaýlyq saqtaý júıesin damytýdyń jol kartasy aıasynda júrgizildi. Bólimshe barlyq zamanaýı talaptarǵa saı.
Qabyldaý bólimi qýatty avtonom jeldetý júıesimen, zamanaýı emdeý-dıagnostıka jabdyqtarmen, sonyń ishinde kompıýterlik tomografııa, rentgen qondyrǵysy, ÝZI apparattarymen jabdyqtalǵan. Budan basqa, operatsııa zaldary, sondaı-aq reanımatsııa jáne qarqyndy terapııa palatalary qarastyrylǵan.
Qabyldaý bóliminiń jańa ǵımaraty barlyq sanıtarııa jáne tehnıka normalary men standarttarǵa saı ári bilikti kómek kórsetý úshin medıtsına personaly jasaqtalǵan. .
Jańa ǵımarat jylyna 100 myńǵa deıingi naýqasty qabyldaıdy dep eseptelgen. Táýlik saıyn qalalyq klınıkalyq aýrýhanaǵa 300-den 500-ge deıin patsıent júginedi. Jylyna – 80 myńnan astam adam, onyń 25 myńǵa jýyǵy statsıonarda emdelip jatyr.

Buǵan deıin, Táýelsizdiktiń 30 jyldyǵy qarsańynda Naýryzbaı aýdanyndaǵy №36 emhana men Alataý aýdanyndaǵy №25 emhana janynan zamanaýı KT ortalyqtary ashylǵan.
Osynyń arqasynda joǵary mamandandyrylǵan medıtsınalyq-dıagnostıkalyq kómek alý úshin qadamdyq qoljetimdilik, sondaı-aq shuǵyl jáne josparly patsıentterdiń patologııalaryn erte anyqtaý múmkindigi qamtamasyz etildi.
Búgingi kúni Almatynyń densaýlyq saqtaý nysandaryn jabdyqtaý kórsetkishi 91,5%. Anestezıologııa, reanımatsııa jáne qarqyndy terapııa bólimsheleriniń jabdyqtalýy 100%-ǵa deıin jetkizildi.

Jedel medıtsınalyq járdem jumysy jaqsartyldy, 3 jańa qosalqy stansa salyndy. Brıgadalar sany eki esege artty. Avtopark 70%-ǵa jańardy.
Tuńǵysh Prezıdent – Elbasy N. Nazarbaevtyń tapsyrmasy yqtımal epıdemıologııalyq qaterlerge den qoıý boıynsha eldiń ǵylymı-medıtsınalyq áleýetin shoǵyrlandyrý maqsatynda Almatyda ınfektsııalyq aýrýlardyń kópbeıindi ǵylymı-zertteý ortalyǵynyń qurylysy bastaldy.

Bıyl úsh emhananyń, 9 otbasylyq-dárigerlik ambýlatorııanyń qurylysy bastaldy.
Balalarǵa shuǵyl kómek kórsetý ortalyǵynyń jáne №2 BQKA qosymsha korpýstarynyń, pallıatıvtik kómek ortalyǵy bar jańa onkologııalyq ortalyqtyń jáne Medeý aýdanynda kópbeıindi statsıonar ǵımarattarynyń qurylysy júrip jatyr.
Almaty temir jol aýrýhanasyna kúrdeli jóndeý jumystaryn júrgizý josparda.