Almatyda Elordanyń damýyna úles qosqan tulǵalardy marapattaý rásimi ótip jatyr
ALMATY. QazAqparat - Almaty ákimdiginiń bastamasymen Elordanyń qalyptasýy men damýyna úles qosqan laýreattardy «Astana - Ardaǵym» merekelik syılyǵymen marapattaý rásimi ótti, dep habarlaıdy QazAqparat tilshisi.
Elordanyń Astanaǵa kóshkenine 20 jyl tolýyna arnalǵan «Astana - Ardaǵym» syılyǵymen Almaty qalasynyń týmalary jáne Astananyń qalyptasýyna aıtarlyqtaı úles qosqan, Prezıdenttiń astanany kóshirý týraly sheshimine barynsha qoldaý kórsetken qaıratkerlerdiń eńbegin eskerýge baǵyttalǵan.
«El eńsesin endi tiktegen kezeńde Elbasy kósh bastap Astanaǵa bet burý týraly sheshimine kúmánmen qaraǵandar bolǵany belgili. Jasampaz 20 jylda 1997 jylǵa 10 jeltoqsannan bastap el ortalyǵyn resmı Astanaǵa kóshirýi asqan kóregen sheshim bolǵany ras. Teńdessiz sheshim Alataýdyń baýraıynda qabyldanyp, shaharymyzdyń basty qarjy ekonomıkalyq, ǵylym men bilim, sport ortalyǵy retinde damýyna jol ashty. Osy qalada QR táýelsizdigi týraly zań, jańa elorda týraly tarıhı qaýly qabyldandy. Egiz órimdeı bolǵan qos qalaǵa Elbasynyń qoldaýy erekshe ekendigi ras. Osyndaı qalamyzdyń damýyna kúsh salǵan azamattardyń eńbegin atap ótý durys dep oılaımyn», - dedi Almaty qalasynyń ákimi Baýyrjan Baıbek.
Almaty qalasynyń Mádenıet basqarmasy habarlaǵandaı, «Astana - Ardaǵym» syılyǵy 20 sanat boıynsha beriledi. Atap aıtqandaı, olar - bilim men ǵylym, sáýlet pen qurylys, densaýlyq saqtaý, sport, óner, kınematografııa, jýrnalıstıka jáne ádebıet salalary boıynsha úles qosqandardyń eńbegi eskeriledi.
Nomınanttardy irikteý konkýrstyq komıssııanyń saıtynda ashyq daýys berý arqyly júzege asty.
«Búgingi kúni Almaty qarjy jáne ekonomıkalyq megapolısi retinde elimizdiń saıası ortalyǵy - Astanany úılesimdi tolyqtyrýda. Halyqaralyq tájirıbe kórsetkendeı, kúshti saıası ortalyq pen lıberaldy qalanyń kelisimi memlekettiń turaqty damýyna yqpal etedi. Memleket basshysynyń «Astananyń taǵdyry - eki ǵasyrdy artqa tastaǵan barsha qazaqstandyqtardyń taǵdyry. Bul zamanaýı memleketke aınalǵan, jahandyq qoǵamdastyq tanyǵan jáne qurmettegen, Uly joldan ótken táýelsiz Qazaqstannyń taǵdyry» degen sózderi jəne bar», - dedi qalalyq ákimdiktegiler.
Eske salsaq, kelesi jyly Qazaqstan astanasy úshin mereıli jyl. Almatyda Astananyń 20 jyldyǵyn merekeleýge arnalǵan birqatar aýqymdy mádenı sharalar - kontsertter, festıvalder, kórmeler ótkizý josparlanǵan.
