Almatyda elıtalyq úılerdiń ıeleri salyqtan jaltaryp júr

ALMATY. QazAqparat - Almatyda elıtalyq úılerdiń ıeleri bıýdjetke 30 mln teńge qaryz. Bul týraly Medeý aýdandyq Memlekettik kirister basqarmasy málim etti, dep habarlaıdy QazAqparat tilshisi.

Bul úıler Medeý aýdanyndaǵy Dostyq, Qyz Jibek, Ońdasynov, Gornaıa, Kóktóbe, Gornyı gıgant shaǵyn aýdandarynda ornalasqan.

Búginde olardyń salyqtyq bereshegi 34 mln teńgege jetti.

Máselen, Qyz-jibek kóshesinde ornalasqan aýmaǵy 750 sharshy metr bolatyn quny 95 mln teńge kottedjdiń qojaıyny 1,5 mln teńge salyq tólemegen.

«Mundaı boryshkerler óte kóp. Bul isterdiń kópshiligi sotqa baǵyttaldy.

Eger olar qaryzdaryn keler aptanyń sońyna deıin tólemegen jaǵdaıda, salyq organdary olardyń attaryn BAQ arqyly jarııalaýǵa májbúr bolady. Bul tizimde ataqty adamdar bar. Jeke tulǵanyń salyqtyq boryshy salyq qupııasy bolyp sanalmaıdy. Qazaqstanda 13 tamyzdan bastap salyq raqymshylyǵy bastaldy.

Negizgi qaryz tólengen jaǵdaıda ústindegi ósimaqysy keshiriledi»,- dedi salyq organdarynan.