Almatyda elıtalyq úı men páter ıeleri bıýdjetke 247 mln teńge qaryz

ALMATY. QazAqparat – Almatyda 1000 asa elıtalyq úı men páter ıeleri salyq tólemeı otyr. Olardyń bıýdjetke bereshegi 247 mln teńgeden asty, dep habarlaıdy QazAqparat tilshisi.

Qalalyq memlekettik kirister departamentiniń baspasóz qyzmeti taratqan aqparatqa sáıkes, 2018 jylǵa múlik salyǵy men jer salyǵyn tóleý merzimi 2019 jyldyń 1 qazanynda ótkenine qaramastan, elıtalyq úıler men páter ıeleri qaryzdy óteýge asyǵar emes.

Almatyda múlik salyǵy tólenbegen 1028 elıtalyq baspana tirkeýde tur.

Olardyń ıeleri 247 mln teńge bıýdjetke bereshek.

«Bıylǵy 3 jeltoqsanynan bastap biz Polıtsııa departamentimen jáne jeke sot oryndaýshylarynyń óńirlik palatasymen birlesip jeke tulǵalardan bereshekti óndirip alýǵa kiristik», - delingen habarlamada.

Naqtyraq aıtqanda, boryshkerdiń ózinde ne ózge de jeke nemese zańdy tulǵalarda turǵan jyljymaly nemese jyljymaıtyn múlki tárkilenedi.

Salyq tóleýshiler salyq boıynsha bereshektiń bar nemese joq ekendigi týraly MKK saıtynda nemese kelesi silteme boıynsha kórýge bolady.

Sonymen qatar, jeke tulǵa salyq mindettemeleri boıynsha salyqtyń negizgi somasyn tólegen jaǵdaıda ósimpul tólenbeıdi.

Ósimpul negizgi salyq qaryzy tólegennen keıin úsh jumys kúni ishinde avtomatty túrde esepten shyǵarylady.

Mundaı salyqtyq raqymshylyq 2019 jyldyń 31 jeltoqsanynda aıaqtalady.