Almatyda elıtalyq úı ıeleri bıýdjetke 30 mln teńge qaryz
Medeý aýdandyq memlekettik kirister departamentiniń habarlaýynsha, búgingi tańda, aýdandaǵy jeke tulǵalardyń múlik salyǵy boıynsha bereshegi 77,8 mıllıon teńgeni quraıdy. Onyń jartysyna jýyǵy nemese 31 mıllıon teńgesi elıtalyq turǵyn úı keshenderinde ornalasqan páterlerge tıesili.
Máselen, «Evroopolıs» turǵyn úı keshenindegi 39 páterdiń qaryzy 3,2 mln teńge, «Koktobe city» turǵyn úı kesheni - 2,9 mln teńge, «ILe De France» turǵyn úı kesheni - 2,5 mln teńge, «Exclusive Residence» jáne «Taý Shatyr» turǵyn úı kesheninde ornalasqan 10 páterdiń bereshegi 1,8 mln teńgege jetken.
Sondaı-aq, boryshkerlerdiń tizimine birneshe páteri bar adamdar kiredi.
Barlyq boryshkerlerge qaryzdy qaıtarý týraly habarlama jiberildi. Alaıda, búgingi kúnge deıin qaryz ótelmegen.
Bıýdjetke bereshegi bar tulǵalar boıynsha is materıaldaryn sot oryndaýshylaryna berý týraly salyq buıryqtary ázirlenip jatyr.
Óz kezeginde sot oryndaýshylary barlyq boryshkerlerge qatysty sharalar qoldanady, onyń ishinde qaryzdy óndirý úshin bank operatsııalaryn toqtatady, salyq tóleýshilerdiń shetelge shyǵýyna tyıym salady.
Sonymen qatar, boryshker salyq bereshegin tólegennen keıin sot oryndaýshylarynyń qyzmetterine jınalǵan somanyń 25% -na deıingi mólsherde tóleýge, sondaı-aq árbir keshiktirilgen kún úshin resmı qaıta qarjylandyrý stavkasynyń 1,25 eselengen mólsherinde ósimpul tóleýge mindetti.
