Almatyda elıtalyq úı ıeleri bıýdjetke 167 mln teńge qaryzdar
Medeý aýdandyq memlekettik kirister departamenti múlik pen jer salyǵyn óndirý boıynsha qyzý jumys atqaryp keledi.
Mamandardyń aıtýynsha, 2017 jylǵy múlik jáne jer salyǵyn tóleý 1 qazanda aıaqtalǵanyna qaramastan, bul úılerdiń ıeleri qaryzyn jabýǵa asyǵar emes.
Bul úılerdiń kópshiligi qalanyń baqýatty aýdandarynda ornalasqan. Atap aıtqanda, Dostyq, Ońdasynov, Ospanov, Gornaıa kósheleri men «Qyz-jibek», «Kóktóbe», «Gornyı gıgant» aýdandarynda. Búginde atalǵan elıtalyq páterler men úılerdiń qaryzy 167 mln teńgege jetti.
Máselen, Dostyq kóshesindegi aýdany 1000 sharshy metrden asatyn, quny 185 mln teńgelik záýlim úıdiń ıesi bıýdjetke 1,1 mln teńge berýi kerek. Boryshkerler arasynda birneshe páterine salyq tólemeı júrgender bar.
Barlyq qaryzdar tulǵalar boıynsha is materıaldaryn sot oryndaýshylaryna berý týraly salyq buıryqtary ázirlenip jatyr.
Salyq organdary qaryzdy óndirý úshin bank operatsııalaryn toqtatady, salyq tóleýshilerdiń shetelge shyǵýyna tyıym salady.
Odan bólek, kelesi aptanyń sońyna deıin boryshkerlerdiń aty BAQ betterinde jarııalanady. Olardyń arasynda elimizge belgili azamattar bar.
