Almatyda elıtaly úılerdiń biri elektr qýatyna 20 mln teńge qaryz bolǵan
ALMATY. QazAqparat - Almatyda elıtalyq úıdiń turǵyndary jaryqtan qaǵyldy. «Tengız Taýers» kompanııasynyń menshigindegi turǵyn úı 3 jylda elektr qýatyna 20 mln teńge qaryz bolyp qalǵan, dep habarlaıdy QazAqparat tilshisi.
Atalǵan turǵyn úı Bostandyq aýdanynda ornalasqan. 3 jyl boıǵy qaryzdy tólemegeni úshin «Almatyelektrosbyt» AQ atalmysh úıdi elektr energııasynan 17-qańtardan bastap ajyratyp tastady.
«Bul - májbúrli túrde jasalyp otyrǵan qadam. Osy turǵyn úıdi basqaratyn «Tengız Taýers» kompanııasy «Almatyenergosbyt» JShS-men elektr energııasy qyzmeti boıynsha tolyq kelisimge otyrǵan bolatyn. «Almatyenergosbyt» JShS 2017 jyldyń qazanynda atalǵan kompanııanyń tóraǵasynyń atyna elektr energııasymen qamtýǵa qatysty kelisimshart jiberilgen. Kompanııa basshysy qaryzdy tóleýden, kelisim shartqa qol qoıýdan bas tartyp otyr. Kompanııamen ymyraǵa kelý boıynsha jasalǵan talpynystar aıaqsyz qaldy. Kompanııa basshylyǵy «Almatyenergosbyt» JShS-men kelisimge otyrý qajet emes dep sanap, qaryzdy tóleýge asyǵar emes. «T-Taýers» kompanııasynyń tólem qabileti jaman emes. Turǵyn úı terrıtorııasynda 88 zańdy tulǵa, 308 páter ıesi turyp jatyr»,- dedi «Almatyenergosbyt» JShS baspasóz qyzmeti.
Aıta ketý kerek, 15-qańtarda «Almatyenergosbyt» JShS Alataý aýdany «Alǵabas-1» shaǵyn aýdanyndaǵy «Artemıda» JShS turǵyn úılerin de elektr energııasynan ajyratyp tastady.
Bul qurylys kompanııasy 3 aıda 9 mln teńge boryshker bolǵan.
