Almatyda "Elimizdiń JOO-nyń granttaryn jeńip al" atty olımpıada ótip jatyr
ALMATY. Naýryzdyń 27-si. QazAqparat /Názıra Eleýhan/ - Almatyda Q.Sátbaev atyndaǵy Qazaq Ulttyq tehnıkalyq ýnıversıtetinde (QazUTÝ) qala mektep túlekteriniń arasynda "Elimizdiń JOO-nyń granttaryn jeńip al" atty olımpıada ótip jatyr,
dep habarlaıdy QazAqparat.
Atalmysh olımpıadaǵa jetim balalar, ata-anasynyń qamqorlyǵynsyz qalǵan balalar, múgedek balalar, kóp balaly jáne áleýmettik jaǵdaıy tómen otbasylardyń balalary qatysýda.
QR Bilim jáne ǵylym Mınıstrligi men qala ákimshiliginiń jáne QazUTÝ-niń uıymdastyrýymen ótip jatqan olımpıada Elbasy Joldaýyn iske asyrý aıasynda, talantty jastarǵa bilim granttaryn berý arqyly áleýmettik qoldaý kórsetý maqsatynda ótkizilýde.
Olımpıada nátıjesi boıynsha eń kóp ball jınaǵan 11 qatysýshyǵa Q.Sátbaev atyndaǵy QazUTÝ-niń, T.Rysqulov atyndaǵy QazEÝ-niń, Almaty Ekonomıka jáne statıstıka akademııasynyń, Abylaıhan atyndaǵy QazHQjÁTÝ-niń, Eýrazııalyq naryq ınstıtýtynyń, D.Qonaev atyndaǵy ýnıversıtettiń granttary jáne "Qaınar" ýnıversıtetiniń eki granty beriletin bolady. Olımpıadaǵa 100-den asa mektep túlekteri qatysýda.
Olımpıada Almaty bólimshesiniń Ulttyq testileý ortalyǵynda tórt pán boıynsha: qazaq jáne orys tilinde (oqyǵan tiline qaraı), matematıka, Qazaqstan tarıhy, sonymen qatar, unatqan mamandyǵyna qaraı, tańdaǵan taǵy bir pán boıynsha, qabyldaý erejesine saı ótýde.
Shara baǵdarlamasynda balalar Q.Sátbaev atyndaǵy QazUTÝ-niń tarıhı murajaıyn aralap, jylsaıynǵy "QazUTÝ kóktemi" festıvaliniń kontserttik baǵdarlamasyn tamashalaıtyn bolady. Olımpıada jeńimpazdardy marapattaý rásimimen aıaqtalady.
