Almatyda elimizdiń eń úzdik velosportshylary synǵa túsedi
ASTANA. QazAqparat - Búgin Almatyda jyldyń sporttyq kúntizbesindegi eń aıtýly dodalardyń biri - velosporttan Qazaqstan Respýblıkasynyń Ulttyq birinshiligi bastalady, dep habarlaıdy QazAqparat tilshisi.
QR UOK-niń baspasóz qyzmeti málim etkendeı, bıylǵy chempıonat burynǵydan ózgerek bolmaq. Jarysty uıymdastyrýshylar birinshilik aıasyn keńeıtip, kórermenge de qyzyqty bolýdyń jolyn oılastyrǵan. Velosportshylar jarysy jyldaǵy dástúr boıynsha ındýstrııalyq aımaq terrıtorııasynda ótedi.
Ulttyq chempıonattyń aq jeıdesin kııýge «Astana» komandasynyń sportshylary túgeldeı talaspaqshy. Olardyń qatarynda Alekseı Lýtsenko, Jandos Bıjigitov, Andreı Zeıts, Bahtııar Qojataev, Danııl Fomınyh, Nıkıta Stalnov, Rýslan Tileýbaev, Artem Zaharov jáne Evgenıı Gıdıch pen ulttyq quramanyń ózge de músheleri bar.
Chempıonattyń resmı túrde ashylýy, búgin, ıaǵnı 26 maýsymda ótedi, al kelesi kúni qatysýshylar jekeleı syndaǵy chempıondy anyqtaıdy. Qalǵan kezeńderde komandalyq jáne juptasyp komandalyq jarysýdan, sondaı-aq, toptyq jarystan jeńimpazdar men júldegerlerdiń esimi belgili bolady.
